Літаратурная гасцёўня “Запрашаем да Купалы”

З нагоды 140-годдзя з дня нараджэння народнага паэта, драматурга і публіцыста Янкі Купалы ў філіяле “Інтэграваная бібліятэка аграгарадка Васілевічы” прайшла літаратурная гасцёўня “Запрашаем да Купалы”. Бібліятэкар разам з удзелькамі  сустрэчы перагарнулі старонкі біяграфіі нашага славутага песняра. Таксама абмяркавалі некаторыя пытанні, якія часта задаюць суайчыннікі: ці патрэбна вывучаць творчасць беларускіх знакамітых класікаў, ці актуальныя зараз іх творы? Наведвальнікі з задавальненнем прайшлі жыццёвымі сцяжынкамі, прыгадалі цудоўныя радкі з твораў пісьменніка, зазірнулі ў таямніцы шчырай беларускай душы Напрыканцы мерапрыемства прайшла віктарына ведаў “Жыццё і творчасць Янкі Купалы”.