«Залаты узрост – залатыя рукі»

Кожны год, першага кастрычніка асаблівая ўвага чалавецтва ўсяго свету    прыкавана да людзей «залатога» ўзросту. У гэты дзень мы асабліва згадваем пра тых, хто патрабуе да сябе найбольшай увагі і клопату. Ва ўстановах культуры заведзена традыцыя ладзіць святочныя мерапрыемствы, якія дазваляюць сталым людзям адпачыць душой, пераадолець адзіноту, завесці новыя знаёмствы для зносін, а таксама пазнаць нешта новае.

Філіял «Гарадская бібліятэка № 2» падрыхтавала для сваіх чытачоў прыгожага ўзросту сюпрыз. Бібліятэкар Кацярына Бакун расказала аб сваім захапленні ў вольны ад работы час і падзялілася майстэрствам у вырабе рэчаў з бусін. Прысутныя мелі магчымасць сплесці бірулькі на свой густ, што ў выніку выдатна атрымалася. Кожная ўдзельніца мерапрыемства пакінула сабе на памяць прыгожую рэч і добры настрой. Сустрэча завяршылася сардэчнымі размовамі за кубкам кавы.