Агляд літаратуры
З нагоды Міжнароднага Дня роднай мовы ў Слонімскай раённай бібліятэцы, для вучняў сярэдняга школьнага ўзросту, бібліятэкар правяла агляд літаратуры. Увазе наведвальнікаў была прадстаўлена кніжная выстава “З любоўю да роднага слова”. У атмасферы добразычлівасці прайшла размова пра гісторыю ўзнікнення Дня роднай мовы, пра неабходнасць яе захавання. Дзеці пазнаёміліся з новымі кнігамі на беларускай мове беларускіх аўтараў. Кожны вучань зразумеў, што трэба любіць і шанаваць родную мову, бо менавіта ў ёй захавана гісторыя нашага народа, сіла і краса народнага слова.