Пасядзелкі «З дабром у сэрцы – да чысціні душы»

У філіяле «Інтэграваная бібліятэка аграгарадка Сянькоўшчына» у межах Года беларускай жанчыны адбыліся пасядзелкі са сталымі  людзьмі пад назвай «З дабром у сэрцы – да чысціні душы». Сустрэча сабрала ўсіх жадаючых, каб правесці час у душэўнай, эмацыянальна цёплай і ўтульнай атмасферы, каб падзяліцца дабром, чысцінёй спраў і думак. Размова ішла ў накірунку стварэння ў сэрцах павагі да сямейных традыцый  і да жанчыны, як галоўнага носьбіта гэтых традыцый, выхавацеля кожнага наступнага пакалення сям’і. Цеплыня ўспамінаў, парады для моладзі надалі  кожнаму ўпэўненасць у неабходнасці захавання і развіцця дабрыні ў сваіх сэрцах.